أشعار بدوية قوية وجميلة عن الحزن
- الصمت يكفي ويشفي صدر راعيه
- لا صار كل الحكي ماله معاني
- والقلب ما عاد تعنيه المشا ريه
- والعين ما عاد تغريها الأماني
- ياليت حزني مجرد دمع وأبكيه
- ماهوب عايش معي بين المحاني
- ماهوب يظهر علي وأحاول اخفيه
- وتصير نظرات حزني هي لساني
- مدري ذكرني زمان كنت ناسيه
- مدري ذكرت الزمان اللي نساني
- سهيت لحظه وقمت ابحث بجوالي
- اقرا الرسايل وامسح ما بقي منها
- لقيت ذكرى رسالة والرقم غالي
- مكتوب فيها إذا أنا مت فامسحها
- فكرت فيك ولقيتك عايش وسالي
- وما ظن يا صاحبي في يوم تذكرها
- الموت عندي يساوي غيابك الحالي
- والحين بستئذنك يازين وامسحها
شعر بدوي في الغزل والرومانسية
- ذويت مرباع الغضى سيد الأحباب
- قصدي يزول الجـرح زاد التهابـه
- جيت وبقايل نارهم حـول الإطناب
- بيت الشعر مطوي وباقـي زهابـه
- اقفت ركايبهم ومنـي الهـدب ذاب
- الدمـع يسـري والذهـل بالإجابة
- على غزير الدمع ضميت الأهداب
:صديت لين الدمع يقفي سحابـه
- بعض الوجع يمكن تداويه الأعشاب
- وبعض الوجع يا ويل من هو سطا به
- عشق بدوي لا حب ما هـو بكـذاب
- يوفي ولو جرحـه تجـدد صوابـه
- واليوم وصلت بيننا مثـل الأجناب
- ذاك الغلا يـا ضيعتـه يـا سفابـه
- باكر إذا جينا لهـم مثـل الأغراب
- من عقب ما كنـا الأهل والقرابة
- الأمر لله كـل شـي لـه أسباب
- ولا الهوى وش لي على ما اهتدى به
- وشلون قلبي ما يجي اليوم منصـاب
- على الكتم منقـوش بعـض الكتابة
- حتى إثر مشيه مع سهول وهضـاب
- مر يجيـه ومـر مـا ينـدرى بـه
- قلبي من الفرقا صويـب ومرتـاب
- كنه غدى صوين من هول مـا بـه
- حزني عليه أنه تسبـب ولا طـاب
- نظرة طبيبـه عجلـت فـي ذهابـه
- ريح الخزامى والنفل زين الأطياب
- يشدنـي ريـح السمـر فـي ثيابـه
- لا أقبل نسيـم بـه خيـل وركـاب
- وله في طلوع الشمس عز ومهابة
شعر في الرومانسية والغزل البدوي
حقيقة الشوق وخوية خيالي
- نصبتها روحي وصدري بلدها
أقرب من أنفاسي ورسمة ظلالي
- الترفه اللي وسط قلبي وحدها
تشوف لذة عمرها من خلالي
- واشوف لذة عمري بلمس يدها
يحبها قلبي مع حبها لي
- ويدعي لها في كل سجدة سجدها
أنيقة الذوق الرفيع المثالي
- نعمة من الله من لقاها حمدها
شعر بدوي عن العتاب
- أدري مقصر وياك
- وأدري ما تدرين أسباب تقصيري
- لو دام حبك وعلاقتنا
- أنا لغيرتك وانتى لغيرى
- لازم نقوى على الفراق
- حتى لو كان بعدك تدميري
- عجزت لا ادبر ظروف تحدتنا
- ما قام حظى ولا فادت تدابيري
- ولو أن قربك خطاء يابيض رايتنا
- يزيد قدرك غلا من زود تقديري
- يا غايتي يوم تنهينا نهايتنا
- تعالى أخذي من أوجاعي تعبيري
- أنا وشعري وصلنا فوق طاقتنا
- احزن وحزني يحبونه جماهيري
- واليوم لدفن بقايا حي ميتنا
شعر بدوي في المدح
للـــطيب مـــواقف وللــمرجلة رجاجيل
- وللخيل فـــرسانها فــي ســاعة الشدّة
وللبيوت أمــراس وللــقهوة الفنجاجيل
- على مضايف نشامة لـــها رجـالٍ تعده
حنا هل المواقف مواقف الشهم الأصيل
- يشهد لنــا السيــف ويشـهد لنا حـده.
حنا نخــاوي الدنيا خـــوة نـجوم اللـيل
- عــد الـــنواظر ما طـــاوعتــنا بـــعــدّه.
حنـــا الــنشامة يشـــــهد لنا دمٍ يسيل
- نحر الذبـــايح دوم ساعة اللين والشدة.
حنــا النشامة وتشهد لنا سروج الخيل
- ســـروج الركايب فـــزعة اللي نــوده.
حنـــا النشـــامة تشـــهد لـــنا الفناجيل
- نســـهر لها ما حــنا مــكبّرين المخدة.
حـــنا الــــنشامة وتشــــهد لنا التعاليل
- علي الخــوة تربينا وعلى حب ومودة.
حنا النشامة عند المرجلة فزعة رجاجيل
- حنا على الميدان سيــلٍ لا طــــم ما تهدأ.
حنا النشامة هـــل المــــــواعين المثاقيل
- هل دلالٍ عامرة ما طفى نارها ولا هــدا.
حنا النشامة كرام ما نعد الشات الهــزيل
- نقدم المــيسور لو طال الزمـن ونـــــمده.
لا مال الزمن بالردي ما تنفعه التــهاويل
- ولا تنفعه ثـــروة أبوه ولا قـــروش جده.
