أشعار بن فطيس
في هذا المقال سنستعرض لكم عددًا من قصائد الشاعر محمد بن فطيس المري، ومن هذه القصائد:
يا الله عفوك
يالله عفوك يوم تصفية الحساب ..
يوم حصاد لما زرعنا في السنين
يوم الحشر قرب ولا معنا زهاب ..
اليوم في الدنيا وبكرة راحلين
نجني ذنوب ونرتجي عفو وثواب ..
وعلى نصر ربي لنا مستعجلين
تدرون ليه آمالنا كنها سراب ..
تدرون ليه النصر سيف الأوليين
الأوليين أعمالهم وفق الكتاب ..
قاموا عليه وباعوا الدنيا بدين
وحنا غفلنا بين ما لذ وطاب ..
والنصر سيف ما يسله غافلين
نصبح على شوف انتهاكات وخراب ..
ونمسي على دمع وتنهات وونين
بصدورنا شي تذوب إله الهضاب ..
وأفعالنا والواقع رياح وطحين
وعلى العيون من الفتن مثل الضباب ..
معد درينا من يسار ومن يمين
ما للضيف إلا الدعا لو ما يجاب ..
ما غيره إلا الشوف مكتوف اليدين
يالله زلزل تحت الأعداء التراب ..
والطف بنا واحقن دماء المسلمين
ندعوك يا قادر على جعل السحاب ..
جيش لنصرة قلة مستضعفين
أغرقهم بنوع من أنواع العقاب ..
غرق الغلام اللي يحسب إنه فطين
لوما عصى نوح نجا به في رحاب ..
سفينته وأمضى معه في العمر حين
لكنه اختار الخسارة والذهاب ..
اصنع بهم صنعك به وانت المتين
والا أخذهم يا مجري سود الحقاب ..
أخذ العجوز اللي بقت في الغابرين
ذوقهم اللهم أنواع العذاب ..
اللي عثوا في أرضك أمن المفسدين
وألطف بمن لبسوا من التقوى ثياب ..
عبادك المستهدفين المتقين
تكالبت عليهم أنياب الذئاب ..
ولا غير عونك يا معين الصابرين
من بينهم شيبه يعجزون الشباب ..
من وقفته من طولها في الركعتين
ومن بينهم بنت تون بلا حجاب ..
أحجابها لفوا به الجرح المكين
وطفل عن عيون أمه الثنتين غاب ..
تبكيه عين وتلتفت لأخيه عين
من هول ما يجري لهم شاب الغراب ..
يا وسع حلمك وانت ما فوقك مدين
أدعيك وانت أدري بحال أهل المصاب ..
وأمد كفي لك يا أكرم الأكرمين
يا شين طبعٍ فيك
يا شين طبعٍ فيك .. يا زين الأطباع
لولا الرجاء .. ما كان خلّيته .. يفوت
سَنَع .. يشوّه لا تذكّرته .. أسناع
مثل الحصاة .. اللي وسط عقد ياقوت
تخفي هيامك .. وإنت ميّت وملتاع
ما تدري إنه في ملامحك .. منحوت
ويبخل لسانك .. وإنت للسمع .. طمّاع
والبخل .. في سِلْم المحبين .. ممقوت
الحكي .. قوت السمع وأسامعي جياع
ومسامعي ماتت من الجوع .. للقوت
وحكي الغزل في صدرك أشكال وأنواع
لكن صمتك .. حوّل الصدر .. تابوت
إلا طَلَبتك وصل .. صعّبت الأوضاع
مدري .. من اللي درّسك جعله يموت
تصد .. ما كنّك من الصد .. مرتاع
وإن قلت: يا القاطع .. تلفّت مبهوت
أقطع بدَرْب مواصلك في الشهر.. باع
وإلاّ إنت تقطع للوصل ف السنة .. فوت
طعني .. وطاوع واحدٍ فيك .. ما طاع
ناسٍ صغار عقول وأشوار وبخوت
وإلطف بحال اللي نحل حاله .. وراع ..
قلبٍ جروحه .. تنزف أفكار .. وبيوت
قلبي .. إلا منّه شرى قلب .. ما باع
وإنت هالله هالله فيه .. والعمر موقوت
اسمع أشعاري في الهوى وارخ الأسماع
ياللي غلاك ب تربة القلب .. مكتوت
لا .. للفراق .. ولا .. لتجديد الأوجاع
ونعم .. نعم للوصل .. لو كان بالصوت
إي والله إهوجس ولاني بمرتاح
إي والله إهوجس ولاني بمرتاح
والحزن في حوش الحنايا بفاروع
أمسيت من وصل المواليف مزاح
وأصبحت من فرقا المواليف مفجوع
البارحة في غبة الوصل سباح
واليوم من عرش المواصيل مخلوع
يا صاحبي صرح الهوى والوفي طاح
والقلب كنًه من عروايه مقشوع
كان احسبن لحبنا عشرة ارواح
الين شفت الحبل بيدي مقطوع
العام خلي يسمع القلب لا صاح
والوم مهما صاح ماهو بمسموع
يوم العهد به حده اسبوع لا راح
اسبوع ويعود على شوق ودموع
واليوم خمس سنين والهم ما زاح
هم الفراق اللي بلا عذر مشروع
استغفر الله شهور يا صاح
في غيبته قمت احسب اليوم بسبوع
ضاع الحساب وشفت برق الجفا لاح
وايست لولا ان الرجا في مزروع
وحالي نحل والبال ماهو بمنساح
من كثر ما اضمى للمواصيل واجوع
بليت في من دونه اسيوف ورماح
وغدى علي وصله مثل حبة الكوع
له مني ان سره على الناس ما باح
ولي منه ان الصد غصبن بلا طوع
صلف الهوى
كل ما ذعذع علي صلف الهوى حدريه
يكفخ فوادي بصدري قبل يكفخ ثوبي
خص لاجا بارد ومذعذع عصريه
يجمع اللي به من الذكرى وياتي صوبي
قبل يلعبي وانا قد ريت في ماريه
ضايق من صبح والهاجوس دوبه دوبي
والله ان كنه يداوي الجرح بالشبريه
والجوارح من هواها الصلف ماصدوبي
تجمع اوراق السنين وتظهر السريه
وتترس عيوني حسايف عقب ترس جيوبي
لا ذكرت اللي رحل وعيونه الدريه
كل مالديت فيها تهت لالدوبي
تمطر عيوني وخفاقي سرى ساريه
ينعصر وانا دموعي للوفى عذروبي
صمت عن وصل المحبه لنها عذريه
والردى ما هو بمن طبعه ولا بسلوبي
اذكر انه قالي مره وش الحريه
قلت عكس اللي لقيته منك يامحبوبي
اهتوي طاري هله من حبي لطاريه
والدروب اللي تجنبهم مهي بدروبي
متعب رجلي ولو هي صوبهم عبريه
وابني امالي على الترحيب لاهلوبي
اثرهم ناويني بالنيه الشريه
واثرهم دارين وانا اقول ماشكوبي
واثرني ضايع واصدق قصة الحوريه
وش ينجيهم من اثامي الى قفوبي
جزت مادام الهوى يبغي عصا سحريه
وتبت مادام القدر عيا على مطلوبي
قد همومي وين الاقي الصيد في البريه
وقومة في وجه ضيفي واعرف ماجوبي
اكبر اهدافي تزول الدوله العبريه
واكبر امالي يغفرالله جميع ذنوبي
غير هبي وين ماتبغين يالحدريه
واتركي قلبي لحاله والعبي في ثوبي
لك بعيني شوق ماله عدد
لك بعيني شوق ماله عدد والى قبل ..
وفي خفوقي لك من الود قامه وقعده ..
ولك من الشحنة بكبدي مثل ضو العبل .
شبها التايه للأجواد في راس قعدة
وحبل وصلك مرتخي وانت فكيت الحبل .
وأمس ما جابك عسى الوصل بكره وبعده
والجفا طوّل وانا مذهبك مانا بخبل ..
ما بغي اتّهمك لكني هنا ريح جعده
يالعقاب
يالعقاب اللي على المشراف وسع لي ...تراني
ضايقن من عاما الاول وادهله قبلك ...وادله
يوم ربي قد كساك بريش وش لك في ...مكاني
ماتخاف من العقوبه يوم تاتيه ...وتحله
دام لك جنحان وش تبقي بمشراف البياني
خل مشراف الفقير اللي بلا جنحان ...خله
ذا مكاني يوم رمح الغدر من حره ...زواني
ما لختالي علي حجه وانا سله ...ودله
وهو على ماقيل شماعة همومي ...لابلاني
صاحبن ياكل يديه وهو على مذهب ...ومله
وهو ملاذي عقب خالقنا جميع الى ...ضواني
ظيقة فالصدر ولا جاتني للدمع ...خله
لابديته ماحسد راع الترف واهل ...المباني
يحسبون ان فرقهم واضح علي واقول ...لله
سجة في راس مشرافي وانا اغطرف ...الاغاني
والله انها في عيوني عن مية فندق ...وفله
فيه احس اني على احسن حال واني شخص ثاني
واتحلل من حرام الهم لاجينه ...واحله
وذا مكاني عقب ماصبري على كبدي ...كواني
والله ان كني عقب فرقاه بين كفوف ...مله
واحدن زله حشاي ومسكنه بين ...المحاني
مسكنه بين المحاني والحشا والصدر...زله
قلتها له قبل لا وقتي على الشعر... يحداني
خايف مالله يتمم واعرف ان فلان ...عله
قال خل اشكوكك اللي تترك الراوي ظماني
مايصيبك في جبينك من خلقك الله تشله
قلت ذا والله بلاي واشوف وش مدة ...زماني
لايكون اللي كتب لي فارقه من غير ...زله
لا تضيق من التشاؤم واحتمالات الأناني
خايفن اشرب بعد كاس النصر كاس المذله
قال وش تبغي بحكي الحزن والدنيا ...فهاني
لاتعيشنا زمان الحزن قبل يحل ...حله
قلت ماتدري وانا الداري بعاقبة ...التماني
غير عاهدني وريحني واشل الحزن ...كله
قال شفت الموت لو بيدي ماهو كفو ...لخذاني
بس لاتشره علي لو لبسوني غصب ...حله
قلت اجل وانا وفاي من الجدي حتى ...اليماني
مرتضي غيرك ولااظنه ولاظني ...لابالله
قال اجل سلم على روحك وانا كلي ...تهاني
يوم عرسك والله ان اهل مجدولي ...وافله
وراحت اسنين التلاقي مشيها مشي الثواني
مادرى عن حبنا الا ظل محبوبه ...وظله
غير حول يالعقاب وخل مشرافي ...تراني
ظايقن من عاما الاول وادهله قبلك ...وادله
قلتها ماقصدي انه يقال صح الله ...لساني
قلتها لعيون من سبب كتابتها ...لعله
