ديوان الشاعر حمد البريدي
أصدر الشاعر حمد البريدي مجموعتان شعريتان مميزتان هما كالآتي:
ملهمة ذكرياتي
أُصدرت هذه المجموعة الشعرية في 1 يناير 2014م، وتحتوي هذه المجموعة على قصائد حمد البريدي، بالإضافة إلى تغريداته المميزة وبعض الرؤى في جميع مجالات الحياة.
يفداش قلبي
تم إصدار هذا الديوان في عام 2015م، وعدد صفحاته 160 صفحة، حيث عبر الشاعر حمد البريدي في هذه المجموعة الشعرية عن حبه لمحبوبته، وبدأها بسرد بعض قصائد الغزل العذري مع بعض الصراحة.
كما كتب الشاعر في هذه المجموعة الشعرية قصائد متنوعة على بحور الشعر الموزون والمقفر، والشعر العربي الحديث، إذ جاء بعض هذه القصائد باللغة العربية الفصحى، وبعضها الآخر باللغة العامية، بالإضافة إلى القصائد، وضح الشاعر نظرته في بعض أمور الحياة بأسلوبه الفريد الذي ساعده على لمس مكنونات النفس البشرية المتعطشة للحب.
قصائد الشاعر حمد البريدي
كتب الشاعر حمد البريدي الكثير من القصائد الرائعة، من أشهرها ما يأتي:
قصيدة مستوحش من غيبتك
- مستوحش من غيبتك قد لي أسبوع
- يا حيف تنساني وانا مـــا أقدر أنساك
- وكل القضية صوت ( دافي) ومسموع
- من عبر جـوالك .. وانا اسمع حكاك
- كني ما بين أضلاعي العـوج ملسوع
- كل ما أتذكر يا المقفي ســـــــــواياك
- الهجر في سلم الأجاويد ممنوع
- لكن صغــير وعاذرك .. ويش دراك !!
- قلبي لا كنه يا اريش العــين ممزوع
- من عقب مالوحت وقفت مطاياك
- شهيتني صـــوتك .. وجوعـتني جوع
- ويا حالة محــــــبك .. ويا شين فرقاك
- تحدني لقصاي واجـــــي لك بطوع
- وأنا ما أحب اني احدك ع/ اقصاك
- وش ذنب من حــــبك يلاقيك دلوع
- تخـطي عليه وكل مااخطيت مشاك
- ما للخطايا منك ناتج ومجـــــــموع
- سوى العذاب بخـــافق اللي تمناك
- لكن ع الله والأمل غـــير مقطوع
- في شوفت عـيونك وفي لمس يمناك
- من يوم غـــبت وكل ليله لي شموع
- تذوب لين الفجر .. حتى تحــــراك
- أبكي بدمـــع اللي لقى آخيه مصروع
- ويصـــــيح كنه يوم ..اناديك ناداك
- فيني لحبك أرض وأشجار وفروع
- تشبها بالطـــــيش .. وآنا اتدفاك
- باتقول لي وشفيك باقول موجـــــوع
- باتسبني من .. (خــــــاطرك باتفداك)
- الله خــلقني إنسان لكن لي طـــبوع
- بس الوكاد أنه عطاني ولا أعطاك
- إني أحس بغيبتك طول (الأسبوع)
- وإنك على بالي ولا أقدر أنساك
قصيدة يا ليت حبك دمع
ياليت حبك دمع وابكي له الليل
- وأنساه قبل أنام وأنام واصحى
واصحى وانا ناسي جميع التفاصيل
- من شوق ومعاتب وضحك ومزحى
سحابة همومي بصدري لها سيل
- خلت ظلوعي مثل وديان رفحى
ما مداك تنساني وانا شاعر الجيل
- ياللي على صوتي شفوق وتوحى
بسامر جروحي واجر المواويل
- واشل عن درب المحبين سمحى
بعض المشاعر صدق ما هي بتمثيل
- وانا بغني لك من الصدق فصحى
لله درك لا تزد حفنة الكيل
- حزني يقاتلني على كل فرحى
رفقا على قلب الفتى ايها الأيل
- إني أرى في نجل عينك رمحي
يعني كذا من دون شرح وتطويل
- ذبحتني ياجعلك الزين ذبحى
عنيد واحبك واشوف الغرابيل
- لو كنت أجمل وجه والطف وأسحى
عذروب حبي لك يخليني أميل
- وأميل لين القلب عن غيرك انحى
خذوك مدري خذتهم قالوا وقيل
- وأقول حكي الناس مامنه ربحى
خليتني ياباهي الطرف والويل
- مشاعري ما بين موتى وجرحى
موت الخفوق أهون ولا موتة الحيل
- لا وشقى منهو على الدمع اضحى
الدمع بللني ولابي مناديل
- واللي كتبه الوقت لابد يمحى
ولاعاد تنشد عن دموع الرياجيل
- يكفيك ابن عدوان في حب وضحى
قصيدة يا طير
- يا طير حظك لا بغيت تطير ما أضناك المطير
- تنطح صلافيح الهوى من هيبتك وتعوقها!
- وش لك بالأرض العابسة والظلم والحظ الفقير
- بيض الليالي رخت ارشاها .. وقفت نوقها!
- ما فيك لا برقع ولا لك وكر ولا لك جرير
- والله لو اني إياك لآشق السحب وآفوقها!
- لا ضاق صدري .. رحت بلحالي وحثيت المسير
- وإن ضاق صدرك توكر بروس الجبال وفوقها
- شامخ ولك هيبة .. ولك سطوه ولك عزم خطير
- واليا نويت الصيده الجزلة .. قدرت تبوقها!
- أشبهك في غيك وغيك غير وإحساسك عسير
- بس اختلف وياك .. فالقدرة وفي منطوقها
- لا جعت مالي غير مالي .. بين زادي والحصير
- ولا انت مخلابك .. يقطع صيدتك وعروقها!
- يا ليت لي جنحانك اللي لو بغت وادي عسير
- ما ردها منه سوى منشي السحب وبروقها
- يا طير .. شفني والله إني من عنا الدنيا كسير
- وكسرة جناح العزم .. ما تثنى الطموح بعوقها
- سيف القهر مبطي وهو ما فارق أطراف الجفير
- وأنا علي مرفوق نفس ٍ خاطري .. مرفوقها
- أحاول اجمع ما بقى لي من أمل .. بإحساس غير
- واكبح جموح النفس .. لو نفسي ذبحها شوقها
- أنا أدري إني ماني بحاكم بلد ولا أمير!
- لكني أجاري كبار الناس .. واسلب ذوقها
- أملك من الإحساس والقدرة وتحديد المصير
- ما يكفي إنه يحل أزمات العرب ووثوقها
- لكن حدود العقل والحرية وشوف البصير
- كنها تقول الابتعاد أحيان .. من منطوقها
- ياليت مالي قلب يشعر ويتضايق ثم يغير
- ما كان وجهي شحبته الأقنعة وطروقها
- عيبي خلقت من الوفا .. بس الزمن ما فيه خير
- مثلي مثل ناس تعيش .. وما توفي حقوقها.
