اشعار عراقية عن الحب

قصيدة: كبل چنت من أعوفك ولو لحظات

كبل چنت من أعوفك ولو لحظات

كل لحظة التمر تنعد بألف عــــام

بس وداعتك هسه الوضع غــــير

تمرني سنين هجرك چنهن أيّــام

الجمال البيك ما منه جمال

أنت منك غار بستان الورد

أنت ربك ميزك عن العباد

من تطلع بتموز يكتلنا البرد

نسونة الجانو بنظرة يحلمون

وليش نلوم بيهم والله حقهم

ما بيهم خلل بينة الخلل جان

أنطيناهم أكبر من حجمهم

اليشوفك عمت عينه من ضواك

والمشافك عمت عينه شگد خسر

فدوة لا تطلع أخاف يفرهدوك

لأن ما منطين بالحصة شكر

إنته مو مثل البشر لا مستحيل

إنته صح شكلك بشر بس يختلف

إنته أقوى إنسان گدامك ضعيف

بنظرة من نظرات عينك يرتجف

بگلبي بروحي بعيوني أخليك

حرت ما گمت اميز وين أضمك

ومن گد ما أحبك گمت أشك بيك

ريمكن أنت ابني وأني أمك

أجه رمضان أبد لا تطلع الباب

خلي الناس يمعود يصومون

لأن وجهك عسل والنفس تدنه عليه

أخاف بشوفتك كلهم يفطرون

كلش دخت بيك منين مخلوق

إذا من طين اشكن كلش بهاي

قصيدة: محتاجة كلش إلك

قالت: شهد الشمري:

محتاجة كلش إلك يلي شاغل أنت الفكر

محتاجة إلك مو حجي وارتاح من ينذكر

هنيّاله من كابلك يا أحلى صورة شعر

زعلان؟ ليش الزّعل زعلان آنه اعتذر

بس ارجع لخاطري صير على نحري

صير على جفني كحل حليني بين السمر

تعبني ذرف الدمع بس ما طفالي الجمر

بركان في داخلي وياخوفي لاينفجر

شمأخرك ماتجي ما ظل الك كل عذر

اهلال جرحك كمل آي كمل وأصبح بدر

صدكني حيل أتعبت حبك عسر مو يسر

اترجيت وتوسلت بيك شكثر وشكثر

ما فاد بيك الرجه وجبرتني لهل أمر

ما بعد اضلن شهد خليك مني حذر

واحجيهه لاتستحي كول أنت طبعك غدر

حبك تحية صبح ما تلفض بالعصر

روح وبعد لا ترد شي عادي صار الهجر

الما عرف معنى العشك ما بعد أحطله كدر

جانت درجتك ألف بس هسه صارت صفر

قصيدة: أكو واحد ما أمله

قال الشاعر كرار الجابري:

أكو واحد ما أملّه

هو قلبي ونبضه كلَّه

اصفن بعينه وأكُله

حيل أحبك

أكو واحد ما أتركه

وبلايه صوته الدّنيَا خنكه

متفاهمين اي وأبد لا ما نَختلِف

حبنا عن حبّ هسه يعادل ألف

قصيدة: إنته النفس والروح من جسمي قطعه

إنته النفس والروح من جسمي قطعه

والكلب لو ينساك من صدري أشلعه

صاير طبع بالناس تنسه اليبعدون

بس أنا ما أنساك لو تعمه العيون

لا تظن وإنته بعيد ميهمني أمرك

ثق واعتقد بالله كل ساعه أذكرك

الخوه مو بالعدد الخوه رفعة راس

يوسف إخوته إثنعش وحسين بس عباس

الصحبة صحبة موت لتظن أعوفك

ما تدري أنا إشلون مشتاق أشوفك

ملح وشكر مخبوط وأشلون أصفيك

بين الجمال أحتار وبين ألوفه البيك

غربلت كلمن جان الخوه راقي

عاينت بالغربيل بس إنته باقي

إشكثر عندي إعزاز بعيوني ذني

بس إنته أعز الناس حتى أعز مني

هم إنا أهم بالروح وكل همة ببكم

إيمته إنا وكتي وياك ينصح وأجيكم

لا تخسر السنتات جاوبني ترميش

حبك نبت بحشاي فلشني تفليش

ورطة الزمان إشلون ورطني وياك

لا أدكر أوصل ليك ولأكدر أنساك

لأدكه لا ترميش جا شنو فلمك

دزلي رسالة بساع لا أمسح اسمك

عذبني هذا الكلب يلهج بذ

ودكا ته صارت شعر تلهج بذم

يمكم تريد الروح تسكن وترتاح

بس وسفه عل النقال ما يرسل أرواح

فشلة اليكول أحاه من كسر العظام

أحاه وجعهن حيل كسرات الأيام

دك روحه ست دكات ونكلب هزاز

نقالي هُم شيطان يعرفهم إعزاز

كل الهواتف ترن بس هاتفك ما يرن

مدري خلل بالشحن مدري الكلب ما يحن

منزلك وسط الروح يا شمعة العين

ومن يخطر يحميك مولانة الحسين

إنخاني شوف إشلون راح أنتخيلك

أتعكز أعلى ضلوع صدري وأجيلك

فضلك جبير أهواي وأشلون أجازيك

وردت الله للكلفات سالم يخليك

يا ذهب ما نساك لو تعمه العيون

ونص أهل بغداد فدوةإلك يرحون

مو بس أهل بغداد الحلة والكوت

خايف عظم فركاك يكطعلي البتوت

بعمري أشتري الطيبين وأطلب رضاهم

وأتمنى روحي اتصير نجمة بسماهم

بنيان إلك بالروح ساف أعلى من ساف

والكلب غيرك دوم لأحب ولا شاف

لو راح عطر الورد عطرك يضل يفوح

ولو طال بينا البعد ساكن تضل بالروح

بنيان إلك بالروح بعلو الثريا

كل ما أكرب عليك تبعد عليه

يالتنشد على الحال حالي إنا تلفان

كلبي من الضيم شيب والإحزان

حاير شحط للروح ومنعها منكم

صبح وعصر وغروب تسألني عنكم

حسدوني عندي إخوان ما بيهم احنان

بس بل اسم خوان بلغدر ربحان

أربح وأنا الخسران كل البنيته

يم خرب الطيبين صارت وصيته

شامت يشمر النار يكطف عداوه

ما عندي كلشي وياه زاهي بنقاوه

جرح الكبر بحشاي ما ضنتي يطيب

جربه وتبدت ماي شيلمهة بجريب

دوشك أنا بفركَاك وتغطه خواف

جلبني بالله وشوف يا حلو الأوصاف

يمراوغ من إتكول أنا أرد أفيدك

والغدر صب نيشان هذا أنا بيدك

يا خويه بالله عليك خليني أشيلك

خافن تشيل أعداك وصلت شليلك

يل تستر المكَشوف ومخرب الأوزان

حط لشعر عنوان وجلبه نسوان

ماتت تراهة الناس بس كَلب ينبض

والخوه صارت طين بس حجي اترعبض

فلش بعد الروح كل البنيته

لو فتشت بروح شنهو الجنيته

فتشت وسط الروح ماكو البنيته

خافن خذاه البين لو فلشيته

أشتم نسيم الهاب محلاته طاري

عذيبي ويرد الروح ما بيعه شاري

حبلـه إبنَـغَـل وأيـام كلـش جريـبات

واليَـمي مو خالات كلهن غريـبات

يم نغَـل لا تبجـين إنستره لو توم

من هذا وتجوزيـن لو حبله كل يوم

أتمنى كرسي وياك وكَعد وحسك

ومرد جلاوي الزين خليني أجسك

همٌـك وهم الناس وهم هم الهموم

لو وحده منهن بيـك ماتكدر إتكـوم

نذرك يا سيد دخيـل نوط أبو الميه

من أفز والكه إهـواي غافي إعله إديـه

الدهر بس وياي راكب إحصانـه

ويكلي وين إتروح جدامـك آنــه

كـلبي أرد أكـصه إبموس وأجوي إبمكانه

علمني إعله درووب كلهن مهـانه

كــلبي أرد أكـصه إبموس وبفاس أكطعه

خلُصها بالسختات مالحَك ربعـه

شامت وكف عل الباب حاير شـكلـه

أرتجي إعله المكسـور لو دمعي إهلـه

أرتجي إعله المكسـور حيل إردس الكاع

بالك تذل جدام شماتك إبسـاع

شماتي مو شمات شماتي شمات

بالكبر ويسألون حي بعده لو مـات

شِماتي مو شِمات شماتي شرطـه

بالكبر ويكولــون طلعه أرد أكرطـه

شماتي مو شمــات شماتي إخـوتي

حتى أمي يا هالناس تدعي إعله موتــي

شماتي مو شمـات شماتي تســعه

والعاشر إزغيرون يأشر بإصبعه

الشاعر من إيلوذ بشعر ينخه

يتماطل الجلمات كلبه ويملخه

الشيبه وسط الراس يشامت احجي

هذا البخت براس يسمع ويبجي

بصوت أحس خوان خوتهم صحيح

وبلسان أهم عدوان حربت مجاريح

بلعز أضلًا صيت مرتفع هل راس

ما نزل صدك يوم للخوه ينداس

عكلي الشرف يا صاح والكلب غتره

جلبني يا بن الناس عاشك العتره

جربت أخوي وصاح مكدر أعينك

جا كلي هل عدوان شتكول أصينك

2023-12-1418الآداب

مزيد من المشاركات

تعريف الابتكار

تعريف الابتكار تعريف الابتكار بناءً على السمات المحددة للشخصية تتعدد تعريفات الابتكار وفقاً للمدارس الفكريّة، ووجهات نظر الباحثين، واتجاهاتهم، حيث تم تعريف الابتكار وفقاً لاعتبارات عديدة، ومن تعريفات الابتكار بناءً على السمات المحددة للشخصية سواءً كانت صفات عقلية أم وجدانية ما جاء به سيمبسون، حيث عرّف الابتكار بأنّه ما يبديه المرء من قدراتٍ للتخلص من نمط التفكير العادي، واتّباع نهجٍ جديد في التفكير، وأشار إلى أنّه عند الاهتمام بالابتكار يجب البحث عن الأشخاص الذين يملكون العقول القادرة على

مأمون الشناوي (شاعر مصري)

مأمون الشناوي مأمون سيد الشناوي؛ هو شاعر غنائي مصري، ولد في 28 من شهر تشرين الأول سنة 1914 في مصر، وقد أقام طوال حياته فيها، توفي في 27 من شهر حزيران في سنة 1994 عن عمر يناهز 80 عامًا. نشأة مأمون الشناوي كان سيد الشناوي والد الشاعر مأمون الشناوي قاضيًا شرعيًّا، أما شقيقه كامل الشناوي فقد كان شاعرًا، ممّا ساهم في تنشئة مأمون الشناوي تنشئة أدبية، وقد التحق بمدرسة الخديوي الثانوية ونال منها شهادة الثانوية في مدينة القاهرة التي انتقل إليها مع أسرته بسبب طبيعة عمل والده في عام 1918، حيث استقرت

فوائد عين الجمل للأطفال

فوائد عين الجمل للأطفال تتميّز المكسرات بمختلف أنواعها؛ بما فيها عين الجمل -أو ما يُعرف أيضاً بالجوز (بالإنجليزية: Walnuts)، بكونها غنيَّة ببعض العناصر الغذائيّة الضروريّة لنموّ الأطفال وتطوّرهم، فهي تحتوي على الفيتامينات، والمعادن، ومضادات الأكسدة، والدهون الصحيّة، بالإضافة إلى البروتينات والألياف أيضاً، كما يمكن إضافتها إلى النظام الغذائيّ بسهولة؛ حيث يُمكن تناولها وحدها كوجبةٍ خفيفةٍ وسريعة، أو استخدامها في العديد من الأطباق لإضافة النكهة، وإعطاء القوام المقرمش، لكن يجدر التنبيه إلى أنّه

القانون الدولي لحقوق الإنسان

القانون الدولي لحقوق الإنسان يحدد القانون الدولي لحقوق الإنسان (International Human Rights Law) الالتزامات التي تلتزم الدول باحترامها، عندما تصبح الدول أطرافاً في المعاهدات الدولية، وتتحمل الدول التزامات وواجبات بموجب القانون الدولي باحترام حقوق الإنسان وحمايتها، والعمل بها، حيث يجب على الدول الامتناع عن التدخل أو الحدّ من التمتع بحقوق الإنسان، ويتطلب الالتزام بالحماية من الدول حماية الأفراد، والجماعات من انتهاكات حقوق الإنسان، ويعني الالتزام العمل بها أنه يتعين على الدول اتخاذ إجراءات إيجابية

آثار دواء الغدة الدرقية

آثار دواء الغدة الدرقية الإيجابية يُمثل الليفوثيروكيسن (بالإنجليزية: Levothyroxine) الدواء المُستخدم كبديل لهرمون الثيروكسين الذي تنتجه الغدة الدرقية بشكلٍ طبيعي، إذ يُستخدم هذا الدواء بهدف علاج حالات نقص هرمون الغدة الدرقية؛ وقد تحدث هذه الحالة نتيجة تعرض الغدة الدرقية للعلاجات الدوائية أو الإشعاعية، أو إزلة هذه الغدة أو جزء منها من خلال عملية جراحية، كما يُستخدم لعلاج بعض أمراض الغدة الدرقية الأخرى؛ مثل سرطان الغدة الدرقية وبعض حالات تضخّم الغدة الدرقية (بالإنجليزية: Goiter)، ويُشار إلى أنّ

هل الغناء حرام

هل الغناء حرام تعدّدت آراء الفُقهاء في حُكم الغِناء على عدَّة أقوال؛ فمنهُم من قال بكراهة الغناء كَراهة تَنزيه*، ومنهم من قال بتَحريم الغناء ، ومنهم من قال بإباحته، ومنهم من ميَّز بين الغناء القليل والغناء الكثير وأعطى لكلٍّ منهم حُكماً مُختلفاً، ومنهم من ميَّز بين جنس المُغنّي؛ ففرَّق بين غناء الرِّجال وغناء النِّساء، ومنهم من ميَّز بين الغناء المُنفرد والغناء المُقترن بأنواعٍ من الآلآت الموسيقيَّة، فليس كل الغناء مباحاً بإطلاق وتعميم، ولا حراماً بإطلاق وتعميم، ونُفصِّل آراء الفُقهاء الأربعة

كيف أزيل الطباعة من الملابس

كيفية إزالة الطباعة من الملابس المكواة تستخدم المكواة للتخلص من المطبوعات عن الملابس القطنية بالطريقة الآتية: يُغطى سطح عمل مستوٍ بمنشفة، ثمّ توضع قطعة الملابس عليها، بطريقة تجعل الطباعة مُتجهة لأعلى. تُوضع ورقة شمع فوق الطباعة. تُشغل المكواة، وتُضبط على الحرارة المناسبة لكي القطن. تُوضع المكواة على ورق الشمع، ثمّ كيّها لحين إذابة الطباعة من الملابس. تُكشط الطباعة بسكين بلاستيكي. تُقلب الملابس بطريقة تجعل الوجه الخلفي للطباعة متجهاً لأعلى، ثمّ توضع على السطح المُغطى بالمنشفة. تُمسح الطباعة من

طريقة عمل صيادية الدجاج

الصيادية تعتبر الصيادية من الأكلات الشرقية المشهورة، والتي تُعد بكثرة في مصر والعديد من البلاد العربيّة الأخرى؛ حيث تُحضر بشكلٍ أساسي من السمك، لذلك فهي تتميّز باحتوائها على الكثير من العناصر الغذائية الضرورية للجسم، وأهمّها أحماض الأوميغا3، ومؤخراً ظهرت طرق أخرى لتحضيرها، ومنها صياديّة الدجاج التي سوف نذكر طريقة عملها في هذا المقال، بالإضافة إلى بعض الوصفات الأخرى. عمل صيادية الدجاج المكوّنات دجاجة منظّفة، ومقطّعة. خمس بصلات. بهارات مشكّلة، وفلفل أسود مطحون، وقرفة مطحونة حسب الرغبة. مكعب من