اشعار سالم السيار

أشعار سالم السيار

من أشهر قصائد الشاعر الخليجي سالم السيّار باللهجة الخليجيّة ما يأتي:

قصيدة هذا هو اللي تبيه

ليــه..؟؟!! 

هذا هو اللي تبيه.. إني أرحل من حياتك..

وأشعل عيوني بليه..!

بس خلاص..!!

هذا هو اللي قدرته وقدرك ربي عليه...؟

بذمتك هذا كلام ..؟

إني أرجع من جديد ..

ارجع افرش كل تعب عمري وأنام..

زين لحظه.. لسألوني الناس وينك..؟

وإن دروا ضحكه عيونك عن عيوني فارقت..

سافرت ردت لعينك.. بذمتك وش أقول..!!

قول..قول..

قول قول الله يخرب بيت بيتك..!

توني يادوبي بديت ..بعت عمري واشتريتك..

خطوه ..خطوه...واشتريتك

توني بأطراف البداية!

مدري وشلون انتهيت..

يا أخي حسّ ..والله عيب اللي تبيه..

إني أرحل من حياتك وأشعل عيوني بليه..

لا جبينك شمس وإحساسك مطر..

لعيونك شوق وشعورك دفا..

جبت لك بإيدي ابتسامات العمر ..

ليه تكسرها على أطراف الشفا...

شوف.. شوف بعثرني احتياجي بالنظر..

شوف وجهي امتلا منك بـ أفا ..!!

ما تجي منك ولكن يا بشر:

منت أول من طعني بالجفا..

إبركتهن كل جروحي بالسهر..

ولا أفكر من ورا قلبك شفا..

ولّ يا قلبك ما يجيب إلا القهر ..

ولّ يا عمرك ما عرف طعم الوفا..

وإلا أنا مثل النهر أبقى نهر..

من تحوسه ..ترجع تشوفه صفا..

فيني والله إحساس لا منه ظهر..

يشعل ضلوعك إذا قلبك طغا..

هذا هو اللي تبيه ..؟ وهذا هو اللي قدرته؟؟

وقدرك ربي عليه ..بذمتك هذا كلام ..؟

اني ارجع من جديد..

ارجع افرش كل تعب عمري وأنام..!!

وين أروح....؟!

شلون أجيب لقلبي المجروح روح !

هذا هو اللي تبيه.

قصيدة الجراح

عسى ما أزعلتك البارح وزودت الجراح جراح

عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح

ولا أدري شلون يا عمري طعنتك حيل بعتابي

بدون شعور صدقني ترى كثر الغلا ذباح

تعال وشوف بغيابك غلاك شلون سوابي

حرام تغيب من عمري وتعطيني الفراق وشاح

حرام الدمع في عيني مناديله هي أهدابي

غيابك يشغل عيون الزوايا وامتلي أشباح

وانا انثر صوتك بقلب المكان وأشعل أبوابي

تلفت للأمل دام الرجا في عمري الملواح

اناديلك ولو شرهك وصولك تقطع أعصابي

أبيك الجاي من عمري أنا مابيك شي وراح

مدامك أجمل وآخر مدامك أول أحبابي

أبي ارتاح يا عمري أنا أدري هم تبي ترتاح

تعال وقبل ما افرح ترا تفرح بك ثيابي

أحبك أحبك يا بعد عمر الحزن والجرح والأفراح

أحبك أحبك كثر ما نامت عيونك داخل أهدابي ..

قصيدة عساك بخير

عساك بخير.. ؟!

وش أول وآخر جروحك

وش آخر وأول فراقي.. ؟!

يقولوا..

يقولوا.. من المسا تلملم بقايا نبرتي وتروح..!

على أول ذكرى بالشارع

نسينا كل سوالفنا عليه وكل مواجعنا

وصرنا فيه ندورنا..

ندور من ملامحنا ملامحنا ...!!!

تشتتنا.. تشردنا.. إلين إنا ندور في وجيه الناس

تصور ...!!

ولا قطرة بوجيه الناس تشبهنا وتشربنا..!!

وأرد ضاميك وبعد مثلي ترد ضامي

وأقول إن المساء كاسك.. وأصب عيوني لإحساسك..!

وأنا أتكسر مع كل أغنية تفتح هدبها وألمح عيونك ..!!

يا عون الله ...!!

تلاقينا .. تصور بأغانينا تلاقينا ..!!

عساك بخير ..؟!!

وش أول وآخر جروحك

وش أخر وأول فرقاي ..؟!

يقولوا ..

بقولوا .. من المسا تلملم بقايا قمرتي وتموت ..!

نسيت أسأل ...!!

صحيح تموت ..؟؟!!