حائل
حائل هي مدينةُ سعوديّةٌ جميلةُ، وتمتاز وتشتهر مدينة حائل بالجبلين المشهورين جبل أجا وجبل سلمى، وتضمّ مدينة حائل أيضاً الكثير من الأودية مثل وادي الرمة، ولقد تغنّى بمدينة حائل الكثير من الشعراء، وفي هذا المقال سنقدّم لكم عبارات جميلة عن مدينة حائل.
عباراتٌ عن حائل
- حائل يا حائل التاريخ ويا تاريخ حائل ، يا حائل العراقة ويا عراقة حائل، استميحك عذراً لأنّني لا أقدر على إعطائك حقك، لا أضيف شيئاً جديداً، فأنتِ حائل.
- جذور التاريخ الذي سطر الفصول عنك وعن أهلك تضرب في الأعماق راسية وراسخة وقد مرّت عليك، يا حائل أزمان وأزمان وأجيال بعد أجيال لكنك تظلين وتبقين حائل المميزة.
- لا أحد يستطيع أنْ يحدّد تاريخاً بعينه لنشأة مدينة حائل غير أنّه من المؤكد أنها نشأت في عصور ما قبل الميلاد.
- المطر بحائل له طابع خاص، وعادة ما يستغله الأهالي في الخروج نحو البر أثر تساقط الأمطار وحلولها، وكثيراً ما ارتبط المطر بتغنّي الشعراء في وصف المطر بحائل عند نزوله، الأمر الذي يبشر في موسم ربيعي جميل بحائل نظير ما تملكه من مقوّمات الطبيعة الخلابة الجميلة.
- بنت البدو، بنت النسب دائماً غير في حسنها، وفي دينها، وفي حياها، نفخر بهن بين القبائل والأمجاد من دونهم حنا وبقلوبنا هن تحيّة لكل حايلية.
- يا عروس حبها بالجنوب وبالشمال مثلك أبهاء حبّها بالشمال وبالجنوب.
شعر عن حائل
سبحان من خلّى هوى القلب حايل
- دار المروُّة والكرم والحمايل
يومه على القصمان وعيال وايل
- صارو على كلّ القبايل سلاطين
يا ناشدن عن حب حايل وأهلها
- حبي تجاوز للجبل مع سهالها
وأيضاً على البنت الرضيع وكلّها
- وأيضاً على الأحرار والا المساجين
مشتاق لديارن بهالمجد برزان
- وسمراء الجبل رمزٍ على مرّ الأزمان
وأجا وسلمى مطعمة كل جيعان
- يومن حاتم طي عشّى ملايين
لو خيرون بالجبل والنفودي
- وقالوا نبي نعطيك ألفين أودي
وفوقه قصر موجود برَّا الحدودي
- ما بيع دار الخير وأنسى عزيزين
يوم أتذكر ديرتي باشتياقي
- أشوف أنا الدمعات مثل السباقي
وأحس أنا قلبي حزينٍ يساقي
- سوق البشر يومه تسوق البعارين
مرّات أقول أصيح وأنسى ظروفي
- دام الأماني بالزمن ما تروفي
إنْ أقبلت بالفين تاخذ الوفي
- وإنْ راحت بوحده تبي تجلب اثنين
أمشي على دار الكرم بابتهاجه
- ولا ذوق مثل اللي أنا ذوقه الحين
دوم على فرقا العزيزين مهموم
- وكل البشر لا فارقت تفقد النوم
رومي بكى للروم ما يلحقه لوم
- وصيني بكى للصين ما يلحقه شين
تكفون يالأجواد شوفو لي الحلّ
- بقلبي اللي بالمحبة تحلّحلّ
طول السنين يعيش مجحود ما ملّ
- يبني من الآمال تسعة وسبعين
الله على اللي كنّه الطير لا فزّ
- أو كنه اللي حطو إيديه بالقزّ
يومه من أقصى موحشات الهوى نزّ
- دلت تقامز بالغلا له شراين
يا مجدّدن شوق المحبّة تكلم
- قلب المولع بالجفا ما تألم
المخطي، المخطي لزومٍ يعلم
- والصائب، الصائب على الرأس والعين
محدن سلب قلبي وخلاه مجرووح
- إلّا الذي أقرب من الروح للروح
المشكلة يضحك وأنا أصيح وأنوح
- ولا أهتني بالنوم والناس غافين
أبسألك وأبيك مرة تجيبي
- مار الحياء يشرق عليك ويغيبي
يا غايتي وأنت المرض والطبيبي
- لا تزود إبلة جفى شوفك الطين
يا ديرتي ما كلّ من غاب نسّاي
- مذكورتٍ بعقول رجاحة الراي
يومٍ بعض الناس باليور والهاي
- يا أُمنا حنا بلياك غادين
يا ديرتي ياعل غيمٍ يهلّي
- يسكب ثلاث أشهور بديار خلّي
وأقعد أدور بالبطاحي محلي
- ومن وين ما وجهت زينٍ على زين
يا زين كأس الشاي مع فكة الريق
- يجلى من الهوجاس والهم والضيق
خصٍ على بطحاء الكرام المطاليق
- اللي مع الشيلة على العسر واللين
هذي هي الدنيا كثيرن بلاها
- عجزت أفرق مرها من حلاها
شخصٍ كلت قلبه وشخصن كلاها
- والخاتمة صلوا على ناشر الدين
المصطفى الهادي عدد طايفن طاف
- وسط الحرم وعداد ما تنطق الكاف
على رسولٍ من شريفين الأشراف
- محمدٍ سيد البشر والثقلين
شعر جميل عن حائل
حايل سقاك السيل غيث همّالي
- يهمل على السمراء وعيرف وصديان
برقة تلالا من جنوب وشمالي
- يا عل ماطر ديمته فوق برزان
في وسط سوقك يا عروس الشمالي
- يفيض على واديك بستان بستان
وادي الأيرع لأرتوت به فعالي
- والعش والمسمى إلى شعب عفنان
في فيِّة شرق الأحيمر عيالي
- ترقد على سفحه سواليف فرسان
هذي مغيضة والزبارة تلالي
- وهذي عقدة والوسيطا لها شان
يا زين مخلاف على شف بالي
- يم النهايد لاامتلت فيه غدران
يا زينها ما بين قاعد جبالي
- عكاش طابه مع مليحه وأركان
قارح مع جانين بالحيل غالي
- إذا أزهر الحوذان فوق أم غبران
يا عزوتي يا بهية بالجمالي
- يا درة أوطان تباهي بالأوطان
يا ديرة منزالها طي عالي
- أنا أشهد إنك للكرام دوم عنوان
عبد العزيز اللي كساها دلالي
- يوم أدلقت له سورها صف بيبان
يستاهلك مقول بالأول وتالي
- من نسل أبو تركي ثرى ذرب الإيمان
يا عزوتي يا طربتي يا حلالي
- يا حائل التحنان قلبي معك الآن
